دیدار سرپرست وزارت خارجه طالبان با معاون عمومی سازمان بین‌المللی مهاجرت
امیرخان متقی، سرپرست وزارت خارجه طالبان با اگوچی دنیلز، معاون عمومی سازمان بین‌المللی مهاجرت (آی‌او‌ام) دیدار کرد.
حافظ ضیا احمد، معاون سخنگوی وزارت خارجه طالبان می‌گوید دو طرف درباره گسترش فعالیت‌های بشری و انکشافی این نهاد بحث کرده اند.
دنیلز در این دیدار تاکید کرده است که تحولات سیاسی بر فعالیت‌های این نهاد اثر نخواهد داشت.
متقی نیز با اشاره به تامین امنیت، گفته است که در یک سال گذشته در افغانستان، به نهادهای مددرسان آسیبی نرسیده و مقام‌های طالبان هم در کار این نهادها مداخله بیجا نکرده اند.
